देशमा ऋणै ऋणको भारी चर्को भएपछि
अब त देश छोड्छु भन्ने जमर्को भएपछि
राई माइलाले त्यसै गाउँ छाडेका हैनन्
बेरोजगारी भई जिउन झर्को भएपछि
कुन युवालाई जाँगार छ, अब देश बस्ने
छिनछिनमै देशको निति अर्को भएपछि
भाषण आउँछ मेरो नेतृत्व भएमा भन्ने
विमान स्थलमा खाडी जाने लर्को भएपछि
भ्रष्टाचारको खबर सुन्न, देख्न परेको छ
यहाँ निधारमै अभागीको धर्को भएपछि ।
सुनिता मोक्तान
सुर्यगढी-१, छाप नुवाकोट
